जुगल खबर
चौतारा
प्रदेश नं ३ का सामाजिक बिकास मन्त्री श्री युवराज दुलालले गत शनिबार निर्माणाधिन एकिकृत नमुना बस्ती अबलोकन तथा भ्रमण गर्नुभएको छ ।
चौतारा साँगाचोकगढि नगरपालिका वडा नं १४ मा श्वेताश्री फाउण्डेशनद्धारा निर्माणाधिन माझीे एकीकृत बस्तिको अबलोकन गर्नुभएको हो ।
उक्त बस्तिको अबलोकनको क्रममा यस बस्ती निर्माणको संगसंगै त्यहाको समुदायको जनजिवनको उकास्नको लागि प्रदेश सरकारबाट महत्वपूर्ण सहयोग गर्ने प्रतिवद्दता समेत जाहेर गर्नुभएको छ ।
श्वेताश्री फाउण्डेशनको अगुवाई, स्थानिय समुदायको सक्रियता तथा राष्ट्रिय पुनर्निर्माण प्राधिकरणसंगको साझेदारिमा निर्माणधिन एकिकृत नमुना माझी बस्ती बिकास परियोजना अन्तर्गत यतिखेर भौतिक पुर्वाधार बिकासका कार्यहरु अन्तिम चरणमा पुगेको छ ।
भ्रमण बर्ष २०२० लाई सफल बनाउन उक्त बस्तिलाई होम स्टे गन्तब्यको रुपमा बिकास गर्नका निमित्त आवश्यक अन्य संरचनाहरु जस्तै बाल बँगैचा, सामुदायिक भावन, वाटर फाउण्टेन, मुल द्वार, खुल्ला रंगमन्च लगाएतका संरचना निर्माण कार्य जारि रहेको छ ।
प्रतिक्रिया दिनुहोस्