थाङपाल/ नेपाल कम्युनिस्ट पार्टी (नेकपा ) पाँचपोखरी थाङपाल गाउँपालिका ६ नम्बर वडा कमिटिको सक्रियतामा पाँचपोखरी थाङपाल गाउँपालिकाद्वारा स्थापित प्रकोप ब्यबस्थापन कोषमा रु ५०१०० (पचास हजार एक सय मात्र ) हस्तान्तरण गरिएको छ ।उक्त सहयोग हस्तान्तरण कार्यक्रममा आफ्नो छोटो मन्तव्य राख्नु हुँदै गाउँपालिका अध्यक्ष टासी लामाले कोषमा विभिन्न ब्यक्ती तथा संस्थाहरुबाट सहयोग प्राप्त भएको तर कसैलाई सहयोगको आवह्वान नगरिएको बताउनु भयो । साथै उक्त हस्तान्तरण कार्यक्रममा गाउँपालिकाका प्रमुख प्रशासकीय अधिकृत सुनिल निरौलाले सहयोग रकमको पुर्ण सदुपयोग गरिने र समय समयमा पालिकाको वेबसाईट मार्फत खर्च सार्बजनिक गरिने प्रतिबद्धता ब्यक्त गर्नु भयो ।
उक्त सहयोग रकमको चेक हस्तान्तरण वडा कमिटीका अध्यक्ष नारायण भट्टराई र सचिब दिल बहादुर वाईबाको उपस्थितिमा गरिएको र विभिन्न महानुभाबहरुको उपस्थिती रहेको जानकारी नेकपा जिल्ला कमिटी सदस्य एबम पालिका कमिटी सह ईन्चार्ज निर्मल बन्जाराले जानकारी गराउनु भयो ।
सुप्रिन्स कसजू
प्रतिक्रिया दिनुहोस्