तेक्वान्दोको जुनियर ग्रेडिङ सम्पन्न

जेठ ९, हिराहरि तेक्वान्दो डोजाङ ,चौतारामा जुनियर तेक्वान्दो खेलाडीहरुको ग्रेडिङ सम्पन्न भएको छ । नेपाल तेक्वान्दो संघको वार्षिक कार्यक्रम अनुसार हिराहरी तेक्वान्दो डोजाङले सेतो पेटीदेखि रातोपेटी सम्मको ग्रेडिङ लिएको छ । जुनियर ग्रेडिङमा सेतो पेटीका आयुशी श्रेष्ठ, सुदिप श्रेष्ठ , मन्जित तामाङ, पहेलो पेटिका मिङ्मार तामाङ, सुजन तामाङ ,पहेँलो रहरियो पेटीका रुस्तम घिमिरे , जुना तामाङ, हरियो पेटिका अर्जुन योन्जन, निलो पेटि तर्फभने अनमोल कार्की र निशान ढुङ्गाना डबल प्रमोसन हुन सफल भएसंगै अन्य प्रशिक्षार्थी भने उतिर्ण भएका छन ।

कार्यक्रमका प्रमुख अतिथि चौतारा साँगाचोकगढी नगरपालिका ५ का नवनिर्वाचित अध्यक्ष शिव श्रेष्ठ र विशेष अतिथी जिल्ला फुटबल संघ, सिन्धुपाल्चोकका नवनिर्वाचित अध्यक्ष अमृतमान श्रेष्ठ, सिनियर खेलाडीहरु दर्पण श्रेष्ठ, मेनुका श्रेष्ठ, आयन श्रेष्ठ, रिजन गौतम, प्रबिन घले र अभिभावकहरुको बाक्लो उपस्थिति रहेको ग्रेडिङ हिराहरी तेक्वान्दो डोजाङका संस्थापक तथा डोजाङ प्रमुख रमेश गुरुङले बताए।

हिराहरी तेक्वान्दो डोजाङले अहिलेसम्म गरेको कामको मुक्तकन्ठले प्रशंसा गर्दै तेक्वान्दो बिकासमा वडाको र ब्यक्तिगत तर्फबाट सक्दो सहयोग गर्ने प्रतिबद्धता खेलाडीमाज ५ न। वडा अध्यक्ष श्रेष्ठको थियो । त्यस्तै डोजाङलाई आज सम्म प्रत्यक्ष अप्रत्यक्षरुपमा सहयोग गर्दै आइरहेकोमा आगामी दिनमा पनि सहयोग गरिरहने वाचा सहित खेलाडीहरुको लागि उर्जाशिल भनाइ सिन्धुपाल्चोक फुटबल संघक अध्यक्ष श्रेष्ठको थियो । द्वय अध्यक्षलाई हिराहरी तेक्वान्दो डोजाङको तर्फबाट संस्थापक तथा डोजाङ प्रमुख गुरुङले बधाई तथा सफल कार्यकालको शुभकामना व्यक्त गरि मायाको चिनो प्रदान गरे ।