सावधानी अपनाउँदै मेलम्ची खोलाको मुहानबाट काठमाडौँ लगिएको पानी बन्द गरियो

जेठ १८,  वर्षाद्का कारण सुरुङ्ममा क्षति नहोस् भनी सावधानी अपनाउँदै मेलम्ची खोलाको मुहानबाट काठमाडौँ ल्याइएको पानी बन्द गरिएको छ । निरन्तर वर्षा हुने र बाढी आउने क्रम बढ्न थालेपछि वैकल्पिक प्रणालीबाट ल्याइएको मेलम्चीको पानी बन्द गरिएको हो। मंगलबार देखि बन्द गरिएको पानी सुक्खा मौसम लागेपछि फेरि वैकल्पिक प्रणालीबाट राजधानी लगिने छ ।
गतवर्ष असार १ गते मेलम्ची खोलामा सुक्खा पहिरो आउँदा आयोजनाको पूर्वाधारमा क्षति पुगेको थियो । गत वर्ष बाढी आउनुअघि नै सुरुङमा पानी बन्द गरिएकाले सुरुङभित्र भने क्षति पुग्न पाएको थिएन । यसवर्ष असार अगावै दैनिक पानी पर्ने र बाढी आउन थालेपछि आयोजनाले सावधानी अपनाउँदै मुहानमै पानी बन्द गरेको हो । मेलम्ची सुरुङमा थप वहिरो जानसक्ने अवस्थामा संरचना छन् ।