जुगल खबर
असार ३२, जिल्लाको लिसंखु पाखर गाउँपालिकाले विश्वकै कम उमेरको सगरमाथा आरोही शम्भु तामाङको सम्मान स्वरुप शालिक निर्माण गर्ने भएको छ ।कार्यापालिका बैठकमा गाउँपालिकाका अध्यक्ष राजु लामाले गरेको प्रस्तावलाई कार्यपालिकाका सबै सदस्यहरुले पास हुने गरी अनुमोदन गरेका हुन् ।
अध्यक्ष लामाले विश्व किर्तिमान शम्भु तामाङको सम्झनामा स्मृति पार्क तथा शालिक निर्माण गरिने बताउदै शालिक तथा स्मृति पार्क निर्माणका लागि उपयुक्त ठाउँ छनौट गरिने बताउनुभयो । कान्छो सगरमाथा आरोही शम्भु तामाङ क्यान्सरका कारण गएको असार २३ गते निधन भएको थियो ।
१८ वर्षको उमेरमा विश्वको सर्वोच्च शिखर सगरमाथाको आरोहण गरी विश्व रेकर्ड राखेर आरोही तामाङले नेपाललाई विश्वभर चिनाउनुभएको थियो । उहाँले सन् १९७३ मे ५ तारिखका दिन सगरमाथाको आरोहण गर्नुभएको थियो । त्यसबेला उहाँको १७ वर्ष ६ महिना १५ दिन उमेर रहेको थियो ।
प्रतिक्रिया दिनुहोस्