गठबन्धन अझ मजबुत बनाउने सापकोटा र बस्नेतको संयुक्त प्रतिवद्धता

काठमाडौं ७ कार्तिक – सिन्धुपाल्चोकका अग्रज नेतृत्व द्वय अग्निप्रसाद सापकोटा र मोहन बहादुर बस्नेतले लोकतान्त्रिक वाम गठबन्धनलाई अझ मजबुत बनाउने प्रतिवद्धता व्यक्त गर्नु भएको छ ।
सोमबार विहान लोकतान्त्रिक वाम गठबन्धनका उम्मेदवारहरुसहित काठमाडौंमा भएको छलफलमा सापकोटा र बस्नेतले यस्तो प्रतिवद्धता व्यक्त गर्नु भएको हो ।
नेता द्वयले राष्ट्रिय आवस्यकताले देशभर गठबन्धन बनेको चर्चा गर्दै यसलाई सबैले इमान्दार भएर पालना गर्नुको विकल्प नभएको बताउनु भयो । त्यस अघि सापकोटा र बस्नेतबीच एक्ला एक्लै छलफल भएको थियो ।
लोकतान्त्रिक वाम गठबन्धनले जिल्ला तहमा संयुक्त बैठकहरु जारी राखेका बेला शीर्ष तहमा छलफल भएको हो ।