जुगल खबर
१४ मंसिर, खानेपानी मन्त्री उमाकान्त चौधरीले मङ्सिर २७ गते सम्ममा काठमाडौमा मेलम्चीको पानी बितरण गरिने बताउनुभएको छ । आज मेलम्ची खानेपानीको कार्यप्रगती बुझ्न मेलम्ची खानेपानीको मुहान स्थल अम्बाथान पुग्नु भएका मन्त्री चौधरीले सके सम्म २५ गते र कुनै समस्या आएमा २७ गते भित्र पानी वितरण सुरु गर्ने बताउनुभएको हो ।
गत जेठ दोस्रो सातादेखि बन्द गरिएको मेलम्चीको पानी गत सोमबार देखि सुरुङमा हाल्न थालिएको छ । पानी सुरुङमा हालेको करिव १० देखि १२ दिन पछि काठमाडौ पानी पुग्ने मेलम्ची खानेपानी आयोजनाका साइड डिभिजनल इन्जिनियर पदमबहादुर कुँवरले जानकारी दिनुभयो । मेलम्ची खानेपानीको हेडबक्स बाँधस्थल हेलम्बुमा पुगेर मन्त्री चौधरीले अब अस्थायी रुपमा दिर्घकालीन रुपमै पानी पथान्तरणको लागि कार्ययोजना बनाइएको जानकारी दिनुभयो ।
उहाँले विभिन्न अध्ययन र त्यहाँको रिपोर्ट अनुसार सरकारले काम सुरु गर्ने बताउनुभयो । सुरुङको १ नम्बर गेटको अवलोकन गर्दै मन्त्री चौधरीले समयमै ढोका बन्द गरेका कारण क्षती नभएको बताउनुभयो ।
प्रतिक्रिया दिनुहोस्