सासंद बनेपछि युवराज दुलालद्धारा विकासे कामको अनुगमन सुरु

दिपक खत्री — मंसिर २०, दोस्रो पटक प्रदेशसभा सदस्यमा बिजयी भएपछि माओवादी युवा नेता युवराज दुलाल शरद अव विकासका काममा ध्यान केन्द्रित गर्न थाल्नुभएको छ । अघिल्लो पटक प्रदेश सदस्य जितेर वागमती प्रदेशका समाजिक विकासमन्त्री बनेपछि जनताको मत जित्ने गरी विकासे काम गर्नुभएका उहाँले अबको पाँच बर्ष थप गति लिने तयारी थाल्नुभएको छ । अघिल्ला पाँच बर्ष आफूले सुरु गरेका विभिन्न विकासका कामलाई पूर्णता दिने र आउँदा दिनमा थप बजेट ल्याएर प्रदेशलाई जगमग बनाउने दुलालको धोको छ । पहिलो कार्यकालमा विकासको बाकस उपमा पाएका दुलालले यसपाली पनि विकासकै कामको अनुगमन थालेर ताल्चा खोल्न थालेको धेरै मतदाताले बताएका छन् ।

मंगलबार दुलालले सिन्धुपाल्चोकको चौतारा छापमा निर्माणाधिन दिनेश–रामजी स्मृति बहु प्राविधिक शिक्षालयको अनुगमन गर्नुभएको छ । सिन्धुपाल्चोकमा शैक्षिक र प्राविधिक क्षेत्रमा नयाँ इतिहास रच्ने गरी निमार्ण भइरहेको शिक्षालय आगामी जेठ १५ गते हस्तान्तरण गर्ने गरी काम सक्न उहाँले निर्देशन समेत दिनुभयो । अनुगमनका क्रममा शिक्षालयका प्रमुख राम चन्द्र दाहालले भईरहेको प्रगती र ब्यवस्थापनको लागी आवस्यक पर्ने विषयबारे राख्नुभयो । शिक्षालयका जग्गा प्राप्ती ,खानेपानी, कपाउण्ड भित्र स्तम्भ निमार्ण ,पुस्तकालय लगायत आवस्यक सामाग्रीका लागी प्रदेशमा नया सरकार गठन भएपछि प्रस्ताव लगेर काम गरीने दुलालले बताउनुभयो ।

बागमती प्रदेशको सामाजिक विकासमन्त्री हुदा युवराज दुलालको प्रयासमा यो शिक्षालय स्थापना गरिएको थियो । शिक्षालयले सिभिल इञ्जिनीयरिङ र सूचना प्रविधिका कक्षा विगत ३ वर्षदेखि संचालन गर्दै आईरहेको छ । पहिलो कार्यकालमा अपुरो यो योजनाले अब पूर्णता पाउने र यस शिक्षालयले सिन्धुपाल्चोकमा शैक्षिक र प्राविधिक क्षेत्रमा नयाँ इतिहास रच्ने स्थानिय बताउछन् । हाल शिक्षालयको कक्षा चौतारा बहुमुखी क्याम्पसमा सञ्चालन भई रहेकोमा आगामी शैक्षिक शत्रको साउन बाट नयाँ आफ्नै भवन बाट संचालन गरिने तयारी छ ।

सार्वजनिक निमार्ण कार्यान्वयन एकाइ भैसिपाटीका प्रमुख चन्द्र प्रसाद लुईंटेलले तिब्र रुपमा सन्तोषजनक तरीकाले निमार्ण कार्य भईरहेको बताउदै निर्धारित समयमा काम पुरा हुने बताउनुभयो । भवन निमार्णको लागी मात्र १ अरव ३० करोड स्टमेट सहित दश ओटा फरक प्राविधिक विषयमा अध्ययन हुने लक्ष्य सहित दिनेश रामजी बहु प्राविधिक शिक्षालय स्थापना गरीएको हो । शिक्षालयले चौतारालाई शैक्षिक हब बनाउने भन्दै यो परियोजनाबाट स्थानिय उत्साहित छन् ।