जुगल खबर
सिन्धुपाल्चोक ,२ माघ
मेलम्ची नगरपालिका वडा नं.८ स्थित ताप्रसा भूमिथान सामुदायिक भवनको सोमबार शिलान्यास भएको छ । मेलम्ची नगरपालिकाका प्रमुख आइतमान तामाङले भवनको शिलान्यास गर्नुभएको हो । भवन निर्माण हुने भएपछि स्थानीय बासिन्दा हर्षित भएका छन । सामुदायिक भवन निर्माणका लागि स्थानीय पेमा लामाले १४ आना जग्गा निशुल्क प्रदान गर्नु भएको थियो ।
एक तलाको यो भवनमा ६ वटा कोठा र शौचालय बन्ने छ ।नगरपालिकाको आर्थिक सहयोगमा निर्माण हुन लागेको यो भवनका लागि नगरपालिकाबाट १० लाख र स्थानीय श्रमदान १ लाख ११ हजार २८१ गरी जम्मा ११ लाख ११ हजार २८१ बजेट रहेको उपभोक्ता समितिका अध्यक्ष वीरबहादुर तामाङले जानकारी दिनुभयो । अहिले उक्त रकमबाट भवन निर्माण शुरु गरिने र अपुग बजेट आगामी आर्थिक बर्षमा बिनियोजन गरी सम्पन्न गरिने नगर प्रमुख आइतमान तामाङले बताउनुभयो ।
सामुदायिक भवन बनेपछि स्थानीयको विभिन्न समस्याहरुका बेला बस्ने बैठक, भेला तथा विभिन्न कार्यक्रम गर्न सहज हुने वडा अध्यक्ष जीत बहादुर तामाङले बताउनुभयो । “वडा भित्र रहेका गाउँ, टोल, बस्ती मिलाएर यस आर्थिक बर्षमा ६ वटा सामुदायिक भवनहरु बनाउंदै छौँ ।” वडा अध्यक्ष तामाङले भन्नुभयो यसै बिच आजै वडाभित्र संचालित अन्य योजनाहरुको अनुगमन समेत छ ।
नगर प्रमुख,वडा अध्यक्ष,वडा सदस्य, संचारकर्मी लगायतको सहभागितामा वडाभित्र संचालित विकास निर्माणका अन्य गतिविधिको अनुगमन गरिएको हो। निर्माणाधीन वडा कार्यालय, सामुदायिक भवन लगायतका योजनाहरूको अनुगमन गरिएको थियो ।पाण्डब अधिकारी
प्रतिक्रिया दिनुहोस्