जुगल खबर
चौतारा ,२१ माघ
सिन्धुपाल्चोकबाट काठमाडौ आई अस्थायी वा स्थायी रुपमा बसोबास गर्ने सिन्धुबासीहरुको साझा संस्था सिन्धु मिलन केन्द्रको बनभोज तथा सम्मान कार्यक्रम सम्पन्न भएको छ । माघ २१ गते शनिबार चोभारमा गत मंसिर ४ गते सम्पन्न संघ र प्रदेशबाट निर्बाचित सांसदहरुलाई सम्मान गर्दै बनभोज कार्यक्रम सम्पन्न गरिएको हो ।
सो कार्यक्रममा सिन्धुपाल्चोकबाट प्रतिनिधि सभा र प्रदेश सभामा निर्बाचित ४ जना सांसदहरुको उपस्थिति रहेको संस्थाका महासचिब निर्मल बन्जाराले जानकारी दिनुभयो । कार्यक्रम संघीय सांसद एबं पुर्ब मन्त्री मोहन बहादुर बस्नेत,प्रदेश स्तरीय कृष्ण कुमार तामाङ ,माईली तामाङ,र कुमारी तामाङलाई सम्मान गरिएको थियो ।
संस्थाका अध्यक्ष ईन्जिनियर गम्भीर लाल श्रेष्ठको अध्यक्षतामा सम्पन्न सो कार्यक्रममा करिब ३०० जना सिन्धुपाल्चोक बासीहरुको उपस्थिति रहेको संस्थाका सचिब रमेश तिमल्सिनाले जानकारी गराउनु भयो ।
प्रतिक्रिया दिनुहोस्