जुगल खबर
सिन्धुपाल्चोक ,१९ फागुन
सिन्धुपाल्चोकको जुगल गाउँपालिकामा जुगल हिमशृङ्खलाको बेसक्याम्प पुगेर १०६ जना किशोरीहरुले स्थानीय पर्वतारोहण सम्बन्धि तालीम लिएका छन् । विश्व समावेशी साहसी संस्था जीआईए को आयोजनामा जुगल गाउँपालिका, चौतारा साँगाचोकगढी र मेलम्ची नगरपालिकाको आर्थिक सहयोगमा तालिम दिइएको थियो । १०६ जना किशोरीलाई जुगल गाउँपालिकाको तीन दिने यात्रामा जिल्लाभरको इतिहास, भूगोल, धर्म संस्कृति बारे जानकारी दिइएको छ ।
५ जना अन्तर्राष्ट्रिय पर्वतारोही प्रशिक्षकद्वारा पर्वतारोहीले पर्वतारोहण सम्बन्धी सम्पूर्ण तालिम अर्न्तगत ट्रेकिङ म्याप, प्राथामिक उपचार तालिम, म्याप नेभिगेशन सहित अन्य पर्वत चढ्न आरोहीले गर्नुपर्ने सामग्री र तयारी बारे प्रयोग गरेर सिकाइएको छ । फागुन १३ गते बिहान एक सय ६ जना किशोरी, ११ जना प्रशिक्षकको टोली जुगल–५ बराम्ची चनौटेस्थित रत्नराज्य माध्यमिक विद्यालयबाट जुगल हिमालका लागि गएका हुन् ।
प्रतिक्रिया दिनुहोस्