जुगल खबर
सिन्धुपाल्चोक १६ -चैत राष्ट्रिय रोड रेसिङ प्रतियोगितामा सिन्धुपाल्चोकका युकेश थापा सेकेण्ड रनरअप हुन सफल हुनु भएको छ ।
मार्च २५ र २६ तारिखमा पोखरामा आयोजिता नेशनल रोड रेसिङ च्याम्पेनशिप २०२३ मा सहभागी हुनु भएका चौतारा साँगाचोकगढी नगरपालिका वडा न १ हाल वडा न ५ का थापा सकेण्ड रनरअप हुन सफल हुनु भएको हो ।
नेपाल रोड रेसिङ च्याम्पेनशिप सिजन वानद्वारा पोखरा रंगशालामा आयोजित प्रतियोगितामा थापाले रु ४४ हजारको चेक र ट्रफि हात पार्नु भयो ।
प्रतियोगिताको पहिलोचरणमा ६८ जना सहभागि थिए । सहभागि मध्यबाट फिनालेमा १८ जना मात्र छनौट भएका थिए ।
२६ वर्षिय थापा विगत ८ वर्षदेखि रेसिङ क्षेत्रमा नै अभ्यस्त हुनुहुन्छ । कुमार थापा र सुमित्रा थापाका सुपुत्र थापाले यस अघि इण्डियन रेसिङ ट्रयाकको अनुभवसमेत हासिल गरिसक्नु भएको छ । रेसिङ फिल्डबाट नै आफ्नो गाउँ र सिंगो राष्ट्रको नाम विश्वभरि फैलाउने आफनो उदेश्य भएको थापाले बताउनु भयो ।
प्रतिक्रिया दिनुहोस्