जुगल खबर
सिन्धुपाल्चोक ,२२चैत – सामुदायिक विद्यालय व्यवस्थापन समिति महासंघको राष्टिय सम्मेलनबाट सिन्धुपाल्चोकका ३ जना केन्द्रीय समितिमा निर्वाचित भएका छन् ।
काठमाण्डौंस्थित प्रज्ञा प्रतिष्ठानको भवनमा चैत २१ र २२ गते भएको सम्मेलनबाट चौतारा साँगाचोकगढी नगरपालिका वडा ६ स्थित श्री सिद्धिकमला माध्यमिक विद्यालय, व्यवस्थाप समितिका अध्यक्ष सोम सापकोटा समितिको केन्द्रीय उपाध्यक्षमा निर्विरोध निर्वाचित हुनु भएको हो ।
त्यस्तै मेहेन्द्र कान्ति माध्यमिक विद्यालय, कालिकाकाकी विद्यालय व्यवस्थापन समितिका अध्यक्ष मञ्जु भण्डारी केन्द्रीय महिला सचिवमा निर्वाचित हुनु भएको छ । जिल्लाकै जेठा विद्यालय श्री कृष्ण रत्नगंगा माध्यमिक विद्यालय, विद्यालय व्यवस्थापन समितिका अध्यक्ष श्यामकृष्ण श्रेष्ठ केन्द्रीय सदस्यमा निर्वाचित हुनु भएको छ ।
“हामी सुधार्छौ हाम्रो विद्यालय” भन्ने मूल नाराका साथ देशभरि रहेका सामुदायिक विद्यालय व्यवस्थापन समितिकाहरुको पहिलोपटक भएको सम्मेलनले समुदायिक विद्यालयहरुमा उल्लेखनीय सकारात्मक परिवर्तन आउने विश्वास गरिएको छ । सम्मेलनमा समुदायिक विद्यालय व्यवस्थापन समितिका ८ सय जना अध्यक्षहरुको सहभागिता नवनिर्वाचित केन्द्रीय उपाध्यक्ष सोम सापकोटाले जानकारी दिनुाभयो ।
उपाध्यक्ष सापकोटाका अनुसार ९५ जनाको कार्य समितिमा ८० जना निर्वाचित भएका थिए भने १५ जना मनोनित भएका थिए ।बिसाैनि
प्रतिक्रिया दिनुहोस्