जुगल खबर
सिन्धुपाल्चोक, १०मङ्सिर -इन्द्रेश्वरी माध्यमिक विद्यालयलाई बागमती प्रदेश सामाजिक बिकास मन्त्रालयको सहयोगमा प्राप्त स्कुल बसकाे उद्घाटन गरिएको छ । मेलम्ची नगरपालिका-११ स्थित टारमा रहेको सो विद्यालयलाई अाईतबार बागमती प्रदेशका भौतिक विकास तथा पुर्वाधार मन्त्री युवराज दुलाल , मेलम्ची नगरपालिकाका प्रमुख आइतमान तामाङ लगायतले उद्घाटन गर्दै उद्घाटन गर्नुभएको हो ।
विद्यालय बस हस्तान्तरण गर्दै मन्त्री दुलालले सामुदायिक विद्यालयलाई गुणस्तरीय केन्द्र बनाउनपर्छ भन्ने उद्देश्यका साथ बिद्यालयलाइ सुविधा सम्पन्न बनाउनका लागी विद्यालय बस कार्यक्रम आफु सामाजिक विकास मन्त्री हुँदा संचालन गरेको जानकारी दिनुभयो ।
मन्त्री दुलालले मेलम्ची नगरपालिकाको तेर्से माध्यमिक विद्यालय र इन्द्रेश्वरि मा.वि चाैतारा नगरपालिकाकाे कुविन्डेस्थित सेती देवि , कृष्ण रत्न गङ्गा ,सिद्धिगणेश मा.वि,जनविकास मा.वि लिसङ्खुपाखर गा.पालिकाकाे महेन्द्र मा.वि, पाचपाेखरि गा.पालिकाकाे थाङ्पाल भ्याली ,लागर्चेलाई स्बकुलबस उपलब्ध गराईसेवा बिस्तार गराईसकेको मन्त्री दुलालले बताउनुभयो ।
बागमती प्रदेशका ३० विद्यालय नमुना बनाउने कार्यक्रम अनुसार इन्द्रेस्वरि पनि परेकाले यस विद्यालयलाई गुणस्तरीय शैक्षिक केन्द्रको रुपमा अगाडि बढाएको बताउनुभयो ।
मन्त्री दुलालले भौतिक पुर्वाधार ,शैक्षिक पुर्वाधार ,स्वास्थ्यका पुर्वाधार लगायत हरेक क्षेत्रको विकास गर्नका लागी योजनाबद्द हिसाबले अगाडि बढेको भन्दै यस्को लागी स्थानीय तह र केन्द्र सरकार संग निरन्तर सहकार्य भइरहने बताउनुभयो । उहाँले आफु सरकारमा हुँदा या नहुदा निरन्तर यस भेगको विकासमा सक्रिय रहने प्रतिबद्धता समेत ब्यक्त गर्नुभयो ।
कार्यक्रम मेलम्ची नगरपालिकाका प्रमुख आइतमान तामाङले बाह्रै महिना बस संचालनका लागी नगरले सहयोग गर्ने प्रतिबद्धता ब्यक्त गर्नुभयो । बस संचालनका लागी थुप्रै चुनौतीहरु रहेको स्मरण गर्दै प्रमुख तामाङले प्रदेश सरकार संग सहयोगको लागी आह्वान गर्नुभयो । विद्यालयका जेष्ठ सदस्य इन्द्रमणि दाहालको अध्यक्षतामा भएको कार्यक्रममा प्रधानाध्यापक देवि श्रेष्ठले विद्यालयमा सहयोगका लागी धन्यवाद व्यक्त गर्नुभयो ।
प्रतिक्रिया दिनुहोस्