जुगल खबर
निर्मल बस्नेत – सेलाङ(२०८० मंसिर २८) पाचौँ राष्ट्रपति रनिङ सिल्ड प्रतियोगिता २०८० जुगल गाउँपालिका वडा नम्बर १ सेलाङ माध्यमिक बिद्यालयको प्राङ्गणमा सुरु भएको छ । उक्त प्रतियोगिताको बागमती प्रदेश सभा सदस्य सांसद अमृता नेपालले उद्घाटन गरेकी हुन् ।
जुगल गाउँपालिकाको आयोजनामा बिहिबार गाउँपालिकाको ९ वटा बिद्यालयको सहभागितामा भएको २ दिने प्रतियोगिता उद्घाटन गर्दै सांसद् नेपालले सामाजिक बिकासको महत्वपूर्ण क्षेत्र खेलक्षेत्र भएकोले खेलको बिकास र प्रवद्र्घनको लागि सवैले ध्यान दिन जरुरी रहेको बताईन् । उनले खेलको माध्यमबाट राष्ट्रको गौरब बढ्ने र स्वास्थ्यको लागि अति नै उत्तम भएकोले खेलकुद गतिबिधिमा बिद्यालयले उच्च प्राथमिकता दिनुपर्नेमा जोड दिईन् ।
साथै वर्तमान समाजमा नकारात्मक सोच र चिन्तन बढ्दै गएकोले खेलकुदले अनुशासित र मर्यादित बनाउने भएकोले यसको श्रीबृतिको लागि आफुले प्रदेश सरकारमा नीतीगत र कार्यक्रमिक रुपमा खेलकुद परिषद्मार्फत कार्यन्वयन गर्न आफुले आवश्यक सहजीकरण गर्ने बताईन् ।प्रतियोगिता कार्यक्रमको अध्यक्षता गरेका गाउँपालिका उपाध्यक्ष हिमालकुमार श्रेष्ठले गाउँपालिका सदैव आम खेलकुदलाई बिकास गर्न लागि पर्ने बचनबद्धता जनाए ।
कार्यक्रममा गाउँपालिका प्रमुख प्रशासकीय अधिकृत लोक बहादुर बि.कले स्थानीय शासन सञ्चालन ऐन २०७४ को आधारमा गाउँपालिकाले आवश्यक नीति र कार्यक्रम बनाई खेलकुदमार्फत गाउँपालिकाको चिनारी दिन सक्ने प्रतिभाको बिकासमा लागिपर्ने बताए ।प्रतियोगिता उद्घाटन कार्यक्रममा वडा अध्यक्षहरु, बिद्यालयको प्रअहरु, स्थानीय समाजसेवीहरुको आतिथ्यता र बिद्यार्थी , अभिभावक स्थानीयहरुको सहभागिता रहेको थियो ।
२ दिन चल्ने प्रतियोगितामा कराँते, भलिबल, हाईजम्प, लङजम्प, दौड, ज्यबलिङ थ्रो, सर्टफुट लगायत खेलहरुको प्रतियोगिता हुने शिक्षा शाखा प्रमुख प्रदिप पराजुलीले जानकारी दिए ।
प्रतिक्रिया दिनुहोस्