जुगल खबर
सिन्धुपाल्चोक ,५ फागुन
जैशिदेवल युथ क्ल्बद्वारा नेपाल तेक्वान्दो संघको केन्द्रिय कार्यलय सातदोबाटो , ललितपुरमा माघ २५ देखि २७ गतेसम्म आयोजित चौथो बागमती प्रदेश स्तरिय जुनियर आमन्त्रण मेयर कप तेक्वान्दो प्रतियोगितामा चौतारा साँगाचोकगढी नगरपालिकाबाट प्रतिनिधित्व गरि सहभागी भइ कास्य पदक जित्न सफल हिराहरी तेक्वान्दो डोजाङ्गका खेलाडी मेनुका श्रेष्ठलाई हिराहरी तेक्वान्दो डोजाङ्गले सम्मान पत्र सहित नगद रु १ हजार प्रदान गरि सम्मान गरिएको छ ।
साथै हिराहरी तेक्वान्दो डोजाङ्गकामा प्रशिक्षणरत तेक्वान्दो खेलाडीहरुको जुनियर ग्रेडिङ Belt Promotion Test सम्पन्न भएको छ । ग्रेडिङमा पुरुषतर्फ राजिब ढुंगाना र महिलातर्फ निभा श्रेष्ठ उत्कृष्ट खेलाडी हुन सफल भएको छ। उत्कृष्ट खेलाडीहरुलाइ हिराहरी तेक्वान्दो डोजाङ्गका संस्थापक तथा डोजाङ प्रमुख श्री रमेश गुरुङ, प्रमुख अतिथि चौतारा साँगाचोकगढी नगरपालिका ५ का वडा सदस्य तथा समाजसेबी रामबहादुर घलेद्वारा संयुत्त रुपमा ट्रफि, मेडल र प्रमाणपत्र वितरण गरेको छ ।
कार्यक्रममा सिनियर खेलाडीहरु मेनुका श्रेष्ठ, अन्जन पुरि, आयन श्रेष्ठ, बिजय तामाङ, अनमोल कार्की , निशान ढुंगाना, सोफिया श्रेष्ठ , साजन घले , लाक्पा तामाङ , आयुशी श्रेष्ठ , कुशल ढुंगाना र अभिभावकहरुको बाक्लो उपस्थिति रहेको थियोे । प्रमुख अतिथिलाइ मायाको चिनो पनि प्रदान गरिएको थियो।
ग्रेडिङमा पहेलो पेटी तर्फ उदिता घिमिरे , पहेलो हरियोमा निभा श्रेष्ठ , हरियो पेटीतर्फ बिजय श्रेष्ठ , हरियो निलो पेटीतर्फ सुनिधी कक्षापति, राभ्या श्रेष्ठ, बिन्दा श्रेष्ठ, बिराज तामाङ, निलो पेटीतर्फ राजिब ढुंगानाले डबल प्रमोसन र अन्य सहभागीहरु उतिर्ण हुन भएको छ ।
कार्यक्रम डोजाङ्गका संस्थापक तथा डोजाङ्ग प्रमुख रमेश गुरुङले सन्चालन गर्नुभएको थियो ।
प्रतिक्रिया दिनुहोस्