जुगल खबर
चौतारा , २५ फागुन
बागमती प्रदेश स्तरीय “विज्ञान प्रदर्शनी २०८० ” मा सिन्धुपाल्चोकको चौतारा सागाँचोकगढी नगरपालिका ७ सानोसिरुवारी स्थीत श्री सिद्धिगणेश मा वि प्रथम भएको छ । फागुन २४ गते हेटौंडामा भएको शिक्षा विकास निर्देशनालय , हेटौंडाको आर्थिक सहयोग र शिक्षा विकास तथा समन्वय इकाइ , सिन्धुपाल्चोकको आयोजनामा भएको विज्ञान प्रदर्शनीबाट सिद्धिगणेश मा वि प्रथम स्थान हाँसिल गर्न सफल भएको हो।
उक्त विद्यालय सिन्धुपाल्चोक जिल्लाबाट प्रतिनिधित्व गर्दै सहभागी भएको थियो । कार्यक्रममा विद्यालयबाट मेन्टर शिक्षक श्री रामहरी मिश्र र कक्षा १२ मा पढ्ने छात्र उत्सवनारायण श्रेष्ठ , कक्षा ११ मा पढ्ने छात्रा रोशिना घिमिरे सहभागी भएका थिए ।
प्रतिक्रिया दिनुहोस्