जुगल खबर
चैत्र २४, सिन्धुपाल्चोक । मेलम्चीमा बहुद्देश्यीय कभर्डहल बन्ने भएको छ । मेलम्ची नगरपालिका ११ स्थित विविध खेल खेल्न मिल्ने बहुउदेश्यीय कभर्डहल निर्माण हुन लागेको हो ।
शनिवार मेलम्ची नगरपालिका मेयर आइतमान तामाङले कभर्डहलको शिलान्यास गरे । नगरप्रमुख तामाङले खेलकूदबाट समाजलाई स्वस्थ र अनुशासित बनाउनु पर्ने बताए ।
नगरपालिकाको गौरवको आयोजना भएकाले तोकिएको समयमा गुणस्तरीय कभर्डहल तयार गर्न निमार्णपक्षलाई भने । कभर्डहल आउदो २०८१ असारसम्म निमार्ण सम्पन्न गरिसक्नु पर्ने सम्झौतामा उल्लेख छ।
कभर्डहल निमार्णको लागि १ करोड ८० लाखमा ठेक्का आह्वान भएको थियो ।
दोबिबि निर्माण सेवाले १ करोडमा ठेक्का पाएको छ ।
प्रतिक्रिया दिनुहोस्