जुगल खबर
बैशाख ९ । सिन्धुपाल्चोक जिल्ला लिगको उद्घाटन खेलमा साँगाचोक यूथ क्लब र चौतारा स्पोर्टिङ क्लब भिड्ने भएका छन्।
आयोजक जिल्ला फुटबल संघले शनिबार सार्वजनिक गरेको ड्र अनुसार १२ गतेदेखि शुरू हुने प्रतियोगिताको उद्घाटन खेलमा चौताराका दुई टोली भिड्ने भएका हुन्। उद्घाटन खेल अपरान्ह्र ३ बजे लामोसाँघुस्थित वसन्तपुर खेल मैदानमा हुने छ।
जिल्ला फुटबल संघका अध्यक्ष अमृतमान श्रेष्ठका अनुसार लिगमा जिल्लाका १२ वटा क्लब सहभागी रहेका छन्। जसलाई ४ समूहमा विभाजन गरिएको छ। समूह ‘ए’ मा साँगाचोक यूथ क्लब, चौतारा स्पोर्टिङ क्लब र न्यू जेनेरेसन क्लब रहेका छन्।
समूह ‘बी’ मा श्री राइजिङ यूथ क्लब, बाह्रदेवी यूथ क्लब र धार्पा युवा क्लब रहेका छन्। समूह ‘सी’ मा लामोसाँघु फुटबल क्लब, प्याराडाइज युवा क्लब र योङ्ग जेनेरेसन युवा क्लब रहेका छन्।
समूह ‘डी’ मा न्यू सदाबाहार युवा क्लब, सुनौलो बिहानी अभियान र श्री कालीका त्रिशक्ति युवा क्लब रहेका छन्।
लिगको विजेताले १ लाख ११ हजार १११ रुपैयाँ र उपविजेताले ५५ हजार ५५५ रुपैयाँ ट्रफी, मेडल र प्रमाणपत्र पाउने अध्यक्ष श्रेष्ठले जानकारी दिए।
लिगको खेलहरू बैशाख १२ गतेदेखि २२ गतेसम्म सञ्चालन हुनेछ। उद्घाटन दिनमा एक खेल र लिग चरणको हरेक दिन २/२ खेल हुनेछ।
१९ गते प्लेअफ, २० गते सेमिफाइनल र २२ गते फाइनल खेल हुनेछ। आयोजकका अनुसार लिगमा सहभागी हुने सबैको टिमको इन्स्योरेन्स गरिएको छ।
प्रतिक्रिया दिनुहोस्