जुगल खबर
बैशाख १३, सिन्धुपाल्चोक । विहीबार यार्सागुम्बा र ढ्याङ्ग्रो च्याउ सहित २ जनालाई प्रहरीले पक्राउ गरेको छ । जिल्लाको बाह्रबिसे नगरपालिका ३ खुर्सानीबारी स्थित प्रहरी चेक पोष्टमा सवारी साधन चेक जाँच गर्ने क्रममा उनिहरु पक्राउ परेका हुन् ।
प्रहरीका अनुसार तातोपानीबाट बाह्रविसे तर्फ आउँदै गरेको बा.प्र ०२–०३७ प २८७५ न.को मोटरसाइकलमा चेकजाँच गर्ने क्रममा यार्सागुम्बा र ढ्याङ्ग्रो च्याउ फेला परेको थियो ।
मोटरसाइकल चालक भोटेकोशी गाउँपालिका वडा न. ५ बस्ने वर्ष २६ को वाङ्गेल तामाङ र मोटरसाइकल पछाडि सवार बर्ष २४ को पासाङ नुर्पु तामाङले बोकेको झोला भित्र लुकाई छिपाई राखेको अवस्थामा यार्सागुम्बा र ढ्याङ्ग्रो च्याउ फेला परेको प्रहरी नायव उपरिक्षक निरन्जन भट्टराईले जानकारी दिए ।
यार्सागुम्बा– १०७० (तौल २०३.४३० ग्राम) वटा र ढ्याङ्ग्रो च्याउ साना ठुला गरि जम्मा ७३ (तौल ६६६.९२० ग्राम ) वटा बरामद गरिएको हो ।
पक्राउ परेका २ जनालाई आवश्यक कारबाहीको लागि डिभिजन वन कार्यालय चौतारा पठाईएको जिल्ला प्रहरी कार्यलय सिन्धुपाल्चोकले जनाएको छ ।
प्रतिक्रिया दिनुहोस्