बाह्रबिसे खनियावासमा वृद्धा मृत फेला

शुक्रबार एक वृद्धा मृत अवस्थामा भेटिएको छ । बाह्रबिसे नगरपालिका वडा नम्बर ७ खनियावासकी रत्न कुमारी थापा आफ्नै घरमा मृत भेटिएको हो । घट्नाको प्रकृति हेर्दा गरगहना लुटपाट गरी हत्या गरेको आशंका गरिएको छ ।

घट्ना बारे अनुसन्धान भइरहेको जिल्ला प्रहरी सिन्धुपाल्चोक डिएसपी निरन्जन भट्टराईले जानकारी दिए । अनुसन्धानमा तालिम प्राप्त विशेष कुकुर समेत प्रयोग गर्ने भएको छ ।

घट्ना बारे सत्यतथ्य छानविन गरी दोषीलाई कारबाहीको दायरामा ल्याउन स्थानीयले माग गरेका छन् ।