जुगल खबर
जुगल गाउँपालिका– ७ याङलाकोटमा सिन्धुपाल्चोक अन्तर वडास्तरीय पुरुष भलिबल प्रतियोगिता सुरु भएको छ।
ह्याङ्गर समाज उत्थान युवा समुहद्वारा सिन्धुपाल्चोक जिल्ला अन्तर वडा स्तरीय भलिबल प्रतियोगिता ह्याङ्गर समाज उत्थान युवा समुह अध्यक् अर्जुन तामाङको अध्यक्षतामा जुगल गाउपालिका उपाध्यक्ष हिमाल कुमार श्रेष्ठको प्रमुख अतिथि र वडा न ७ को वडा अध्यक्ष रवि तामाङ को विशेष आतिथ्यतामा प्रतियोगिता सुरु भएको हो।
भलिबल प्रतियोगिताको उद्घाटन गर्दै उपाध्यक्ष हिमाल कुमार श्रेष्ठले जुगल ७ मा भलिबल प्रतियोगिताको आयोजना गरेकाले ग्रामिण क्षेत्रमा खेलकुदका गतिविधि बढ्ने विश्वास व्यक्त गरे।
जिल्ला भित्रका १४ वटा टीमको सहभागीता रहेको प्रतियोगिता असोज २० गतेसम्म चल्ने आयोजकले जनाएको छ ।
प्रतियोगितामा पहिलो, दोस्रो र तेस्रो र सान्त्वना हुने टीमले ट्रफी, मेडल र प्रमाणपत्रका साथै क्रमशः नगद रु ८० हजार ,५० हजार ,२५हजार र १०हजार रुपैंया प्राप्त गर्ने आयोजकले जानकारी दिए ।
प्रतिक्रिया दिनुहोस्