मालिका देवी कप फुटबल प्रतियोगिताको तयारी तीव्र हुदै

१ कात्र्तिक, सिन्धुपाल्चोक । मेलचौर दरबारडाँडा खेलमैदानमा कात्र्तिक ५ गतेबाट सुरु हुने चौथो संस्करणको मालिका देवी कप खुला सेभेन ‘ए’ साइड फुटबल प्रतियोगिताको तीव्र तयारी भइरहेको छ ।

मेलचौर युवा जागरण समाजको अयोजनामा हुने प्रतियोगिताको लागि तयारी अन्तिम चरणमा पुगेको क्लबका अध्यक्ष कृष्णबहादुर श्रेष्ठले बतााए ।
प्रतियोगिताका लागि पर्सिसम्म टिम दर्ता खुला गरिएको छ । टिम दर्ता शुल्क पाँच हजार तोकिएको छ ।

प्रतियोगितामा सहभागि हरेक टिमका खेलाडी तथा टिम अफिसियल गरि टिमका १६ जनाको बिमा पनि गरिएको छ। बिमा वापत हरेक टिमले दर्तामा तोकिएको शुल्कमा १५०० सय थप्नु पर्ने छ।

प्रतियोगिताको विजेताले एक लाख ५५ हजार ५५५ तथा उपविजेताले ७७ हजार ७७७ रुपैयाँसहित ट्रफी, मेडल र प्रमाणपत्र पाउने छन्।
प्रतियोगितामा उत्कृष्ट खेलाडी, स्ट्राइकर, गोलकिपर, रक्षक, मिडफिल्डर, प्रशिक्षक र प्रत्येक खेलका ‘म्यान अफ द म्याच’ लाई ट्रफीसहित नगद पुरस्कारको व्यवस्था गरिएको आयोजकले जनाएको छ।