जुगल खबर
चौतारा । सिन्धुपाल्चोक जिल्ला कै इतिहासमा पहिलो पटक बक्सीङ क्याम्प सञ्चालन भएको छ ।
चौतारा स्पोर्टिङ क्लव र सर्वपक्ष राष्ट्रिय दैनिकको आयोजानामा माघ १५ देखी फागुन १५ गतेसम्म एक महिने वीन्टर क्याम्प बक्सीङ चौतारामा सुरु भएको छ ।
खेल व्यवस्थापनको लागि कञ्चन स्मृति ग्राम बिकास पुस्तकालय, श्री कृष्ण रत्न गंगा माध्यमिक बिद्यालय र एनपीसीबीको सहयोग रहेको चौतारा स्पोर्टिङ क्लवका नविन श्रेष्ठले बताए ।
एक महिने क्याम्पमा राष्ट्रिय खेलाडी तथा अन्तराष्ट्रिय रेफ्री राजन प्रजापतीले मूख्य प्रशिक्षकको रुपमा क्याम्पमा प्रशिक्षित गर्ने श्री कृष्ण रत्न गंगा माध्यमिक बिद्यालयका प्रद्यानाध्यापक डम्बर बहादुर श्रेष्ठले जानकारी दिए ।
खेल प्रारम्भको पहिलो दिन प्रशिक्षक प्रजापतीले कृष्ण रत्न गंगाका बिद्यार्थीहरुलाई खेलसंग सम्वन्धित कुराहरु नियमको बारेमा जानकारी गराएका थिए ।
आत्मरक्षा र स्वास्थ्यको लागि खेलिने यो खेलको प्रतियोगिता राष्ट्रिय तथा अन्तराष्ट्रिय रुपमा बेलाबखत चर्चामा आउने गरेको छ ।
प्रतिक्रिया दिनुहोस्