जुगल खबर
चौतारा – तोप २१ क्लबको आयोजनामा सिन्धुपाल्चोकको चौतारामा क्लबस्तरीय राष्ट्रिय भलिबल प्रतियोगिता हुने भएको छ ।
प्रतियोगिता चौतारा साँगाचोकगढी नगरपालिका-५ टुडिखेल मैदानमा चैत १५ देखि २० गतेसम्म हुने आयोजकले जानकारी दियो । प्रतियोगितामा सहभागिताका लागि चैत १० गतेसम्म टिम दर्ता गर्न सकिने छ ।
नेपाल भलिबल संघ, जिल्ला भलिबल संघ सिन्धुपाल्चोक र जिल्ला खेलकुद विकास समितिको प्रविधिक सहयोग रहने प्रतियोगिताको शीर्ष तीनले क्रमशः ३ लाख, १ लाख ५० हजार र ७५ हजार रुपैयाँ , ट्रफी, मेडल र प्रमाण पत्र प्राप्त गर्नेछन् ।
यसैगरी प्रतियोगिताको सर्वोत्कृष्ट खेलाडीलाई २० हजार तथा उत्कृष्ट स्पाइकर, सेटर, ब्लकर र लिबेरोलाई जनही १० हजार रुपैयाँसहित ट्रफी प्रदान गरिने छ ।
प्रतिक्रिया दिनुहोस्