चौथो तोप २१ ,भलिबल – पुलिस र गण्डकी फाइनलमा

चौथो तोप २१ नगर कप भलिबल प्रतियोगिताको फाइनलमा नेपाल पुलिस क्लब र गण्डकी प्रदेश खेल्ने भएका छन् । मंगलबार भएको सेमिफाइनलमा कोशीलाई ३–२ सेटमा हराउँदै गण्डकीले पुलिस सँगको फाइनल भेट पक्का गरेको हो भने सशस्त्र प्रहरी बलको एपीएफ क्लबलाई ३–१ को सेटमा पराजित गर्दै पुलिसले फाइनलमा स्थान बनाएको हो ।

प्रतिस्पर्धात्मक खेलमा २६ – २४ ले पहिलो सेट गुमाएको गण्डकीले उत्कृष्ठ पुनरागमन गर्दै दोस्रो र तेस्रो सेट २५–२३ र २७–२५ ले आफ्नो पक्षमा पारेको थियो । चौथो सेट पुनः कोशीले २५ – १६ को फराकिलो अन्तरले जितेपछि दवाबमा परेको गण्डकीले निर्णायक सेट १५–१० ले आफ्नो पक्षमा पार्दै फाइनलको यात्रा तय गरेको हो । अन्तिम सेटमा ८–४ को अवस्थामा मैदान परिवर्तन गर्नुपर्दा निराश बनेको कर्णालीले उत्कृष्ठ पुनरागमन गर्दै खेल आफ्नो पक्षमा पारेको हो ।

पहिलो सेमिफाइनलमा २५–२० र २५ –१६ ले लगातार दुई सेट आफ्नो पक्षमा पारेको पुलिस तेस्रो सेटमा लय गुमाउँदा एपीएफले २७ – २५ ले खेल आफ्नो पक्षमा पारेको थियो । चौथो सेटमा भने पुलिसले आफ्नो पकट जमाई २५–१४ ले खेल आफ्नो पक्षमा पार्दै फाइनलमा स्थान सुरक्षित गरेको थियो ।

कर्णलीसँग हारेको कोशी र पुलसँग हारेको एपीएफ अब तेस्रो स्थानका लागि खेल्नेछ ।प्रतियोगिताको विजेताले ३ लाख, दोस्रो हुनेले १ लाख ५० हजार र तेस्रो हुने टोलीले ७५ हजार नगद सहित पुरस्कार प्राप्त गर्ने छ ।