सिन्धुपाल्चोकको मेलम्ची नगरपालिका वडा नम्बर–१ स्थित शहरी स्वास्थ्य केन्द्र भोटेचौरमा प्रसूति सेवा सञ्चालनमा आएको छ । शहरी स्वास्थ्य केन्द्रमा प्रसूति सेवा सुरुगर्ने नगरपालिकाको लक्ष्य अनुसार वडा नं १ को शहरी स्वास्थ्य केन्द्रमा बुधबारदेखि प्रसूति केन्द्र सञ्चालन गरिएको वडा नम्बर १का वडा अध्यक्ष कृष्णमुरारी चौलागाईले जानकारी दिनुभयो ।
स्थानीय महिलालाई वडास्तरमै सहजरुपमा प्रसूति सेवा दिने उद्देश्यसहित प्रसूति केन्द्र सञ्चालनमा ल्याइएको चौलागाईले बताउनुभयो ।
सुत्केरी भएपछि आवश्यक जाँचको व्यवस्थासमेत गरिएको छ । प्रसूति केन्द्रबाट भोटेचौर १ र२ का महिला लाभान्वित हुनेछन्। प्रसूति सेवा सुरुभएसँगै अब अन्यत्र जानुपर्ने बाध्यता हटेको छ ।
जुगल खबर
प्रतिक्रिया दिनुहोस्