जुगल खबर
कार्तिक १२ ।मालिकादेवी कप खुल्ला सेभेन ए साइड फुटबल प्रतियोगिताको उपाधि जितेको धार्पा युवा क्लव बाह्रबिसेलाई बाह्रबिसे नगरपालिका वडा नम्बर ३ ले सम्मान गरेको छ ।
बाह्रबिसे नगरपालिका ३ का धार्पा युवा क्लवले मेलचौर स्थित दरबार डाडामा सम्पन्न सेभेन ए साइड फुटबल प्रतियोगितामा बिजेता भएपछि आइतबार काठमाडौंको बसुन्धारामा रहेको बसुन्धारा किचेनमा एक कार्यक्रमको आयोजना गरि वडा कार्यालयले सम्मान गरेको बाह्रबिसे नगरपालिका ३ का अध्यक्ष जीवन कुमार भण्डारीले बताए ।
उनले भने, हामीले वडा भित्रबाट जुनसुकै खेलका लागि प्रतिस्पर्धामा जाने र प्रथम स्थान हासिल गरेका खेलाडीलाई वडा कार्यालयले सम्मान तथा सहयोग गर्ने गरेको भण्डारीले बताए । वडा भित्रका बिधालयले राष्ट्रपति रनिङ शिल कार्यक्रममा भाग लिदा वडा भित्रका बिद्यालय प्रथम भए यसै सम्मान कार्यक्रम समेत गर्दै आएको भण्डारीले बताए ।
यसले गर्दा खेलाडीलाई हौसला तथा प्रोत्साहन हुने भएकोले आफुले ब्यक्तिगत खर्चबाट यस्ता कार्यक्रम गर्दै आएको सुनाए। सम्मान कार्यक्रमका प्रमुख अतिथि डा बिश्व पोख्रेलले भने, हामीले खेल जीवनबाट हरेक ज्ञान सिक्न सक्छौ, खेलले जीवन लाई सधैं स्वास्थ्य बनाउने भएकोले हामीले खेलमा लगाव राख्न पर्ने बताए ।
उनले बिजेता धार्पा युवा क्लवलाइ बधाई तथा शुभकामना दिदै आगामी दिनमा यसैगरी मेहनतका साथ खेल खेल्न सुझाए ।
चौतारा साँगाचोकगढी नगरपालिका ७ मेलचौरस्थित दरबारडाँडा मैदानमा सुनकोसी गाउँपालिका वडा नं. ३ लाई ३- ० गोल अन्तरले पराजित गर्दै धार्पा युवा क्लवले प्रथम स्थान हासिल गरेको हो।
प्रतिक्रिया दिनुहोस्