जुगल खबर
बागमती प्रदेश मन्त्रिपरिषद्ले गएको वर्ष अप्रिल १० अर्थात २०७५ चैत २७ गते नेपालमा पहिलो सञ्चार रजिष्ट्रारको स्थापना गरेको थियो । यसको पहिलो नियुक्त रेवती सापकोटालाई गरीएको थियो । पहिलो सञ्चार रजिष्ट्रार सापकोटाले एक वर्ष कार्यभार पुरा गर्दा बागमती प्रदेशको सञ्चार रजिष्ट्रारले गरेका गतिविधिहरुलाई सार्वजनिक गरेका छन्, ।
सापकोटाले औपचारिक जिम्मेवारी सम्हालेको बैशाख ९ गते एक वर्ष पुरा गर्ने समेत उल्लेख गरेकाछन्, । उनले सामाजिक संजाल फेसबुक मार्फत लेखेकाछन्, मुलुक संघीय संरचनामा गईसकेपछि सञ्चारको क्षेत्रमा केहि परिणाममुखी काम गर्नु पर्ने जिम्मेवारी र दायित्वका कारण यो अवधिमा १२ देखि १८ घण्टा काम गरेर केहि परिणाम निस्किएको उल्लेख गरेकाछन्, ।
यो अवधिमा करिब एक सय जना पत्रकारले सफ्टवेयर मार्फत परिचयपत्र प्राप्त गरेको उल्लेख छ । यस्तै यो यो वर्ष प्रदेशबाट चार वटा टेलिभिजनले इजाजत लिएका छन् भने प्रदेशबाट चार वटा एफ एम रेडियोले पनि इजाजत लिएको उल्लेख गरीएको छ । प्रदेश सरकारलाई झण्डै एक करोड रुपैया राजस्व संकलन गर्न सफल भएको बताउदै सापकोटाले एउटा कोठाबाट सुरु भएको कार्यालय अहिले हेटौडा र काठमाडौमा स्थापना भएको समेत उल्लेख गरेकाछन् ।
यो अवधिमा ६० जना पत्रकारले मोबाइलबाट पत्रकारिता गर्ने तालिम प्राप्त गरेको र लेखन तथा प्रसारण वृत्ति कार्यविधि स्वीकृत गराई २० जना पत्रकारले लेखन तथा प्रसारणवृत्ति पाएको उल्लेख छ । पत्रकारिता र सूचना प्रविधिमा शोधपत्र तयार गर्न सहयोग गर्ने कार्यविधि स्वीकृत भएर निवेदन प्राप्त भइरहेको पनि उल्लेख छ । प्रदेशको सूचना बैंक बन्ने प्रक्रिया सुरु भएको उल्लेख गदै सापकोटाले असार मसान्तसम्म प्रदेशका केन्द्रीय निकायको सूचना बैंकबाट प्राप्त गर्न सक्ने तयारी रहेको बताउनु भएको छ ।
अनलाइन पत्रकारिता र डिजिटल साक्षरतामा विज्ञ लेखकबाट पुस्तक तयार गर्ने काम हुँदै गरेको बताउदै बागमती प्रदेशको आमसञ्चारको अवस्थाका बारेमा सर्भेक्षण भइरहेको पनि उनले बताएकाछन् । यस्तै उनले यो वर्ष गरेका गतिविधिहरुमा विपद् तथा जोखिम पत्रकारिता सहयोग कार्यक्रमको कार्यविधि स्वीकृत भएको, श्रमजीवी पत्रकार ऐन कार्यान्वयन र श्रमजीवी पत्रकारको अवस्थाका बारेमा अन्तक्र्रिया भएको,पत्रकार कल्याण कोष सञ्चालन गर्ने प्रक्रिया अगाडि बढेको तर यसमा केहि नीतिगत निर्णय गर्न बाँकी रहेको बताएकाछन्, ।
संघ र प्रदेश वीच समन्वयका लागि गर्नु पर्ने केहि नीतिगत निर्णयको पहिचान भएको बताउदै प्रदेश सञ्चारमाध्यम व्यवस्थापन ऐनमा देखिएका समस्यालाई सम्बोधन गर्न ऐन संशोधनको मस्यौदा तयार भएको पनि उल्लेख छ । कोभिड १९ संक्रमणका कारण एक महिनादेखि कोठाभित्र बसेर कार्यहरु भएको बताउदै उनले धेरै कार्यक्रमहरु अवरुद्ध भएको समेत उल्लेख गरेकाछन् । सापकोटाले प्रदेश तहमा सञ्चार रजिष्ट्रारको कार्यालयको कामका लागि केहि अनुभव र केहि सिकाई प्राप्त भएको बताउदै आगामी दिनमा अझ सक्रियताका साथ लागिपर्ने बताएकाछन्, ।
प्रतिक्रिया दिनुहोस्