जुगल खबर
साउन ८, उत्तर अमेरिकाको सियाटालस्थित माउन्ट बेकर हिमालमा पहिलो पटक १५ जना नेपालीले सफल आरोहण गरेका छन । उक्त टोलिले जुलाइ १७ को दिन सफल आरोहण गरि शिखरमा नेपालको झण्डा फर्फराएको हो । नर्थवेष्ट शेर्पा एसोसियसनको आयोजनामा भएको उक्त अभियान सगरमाथामा १७ औ पटक तथा पहिलो सेभेन समिट आरोहण गर्न सफल ल्हाक्पा रिता शेर्पाको नेतृत्वमा र ५ पटक सगरमाथा आरोहण गरेका जाङबु शेर्पा गार्मा र जिग्मे शेर्पा पाङबुचेको सह नेतृत्वमा भएका हो ।
नर्थवेष्ट शेर्पा एसोसियसनका अध्यक्ष आङ जाङबु शेर्पाका अनुसार यस पटकको अभियानबाट संकलन हुने रकम सियाटालमा निर्माण हुन लागेको शेर्पा सामुदायिक केन्द्रको लागी खर्च गरिने छ । १० हजार ७ सय ८१ फिट उचाईमा रहेको माउन्ट बेकरमा पुग्ने सदस्यहरुमा आङ जाङबु शेर्पा खरिखोला, पासाङ ग्याल्जेन शेर्पा छेर्मादिङमा, आङ बाबु शेर्पा लुरा, सोलु, , निमा नुरु शेर्पा छेर्मादिङमा, निमा नुरु लामा फाप्लु , सोलु, वर्ष प्रधान सिन्धुपाल्चोक चौतारा , अङ्गत् पुन भैरहवा , निल तिलिजा राम्चे, म्याग्दी, ईसा तिलिजा राम्चे, म्याग्दी , शिव श्रेष्ठ सिन्धुपाल्चोक , विवेक राना गोर्खा र सन्तोष गुरुङ नुवाकोटका रहेका छन् ।
पहिलो पटक नेपाली टोलि माउन्ट बेकर पुगेर फर्केको क्षण निकै अविष्मरणीय बन्यो ‘ आरोहण दलका बर्षा प्रधानले बताउनुभयो ।
एसोसिएसनको केन्द निर्माणको लागी अगस्ट १ देखि ३ तारिखसम्म १२ सदसिय गैर नेपाली महिलाहरुको टोलीले माउन्ट रेनियर हिमालको आरोहण गर्ने भएको छ भने आगामी बर्ष माउन्ट बेकर हिमालमा ३ अमेरिकी नेपाली आरोहण टोलि आयोजना गर्ने योजना रहेको अध्यक्ष आङ जाङबु शेर्पाले बताउनुभयो ।
प्रतिक्रिया दिनुहोस्